2017 жылғы 7 сәуір күні сағ 16.00 де Ассамблея үйінде Батыс Қазақстан облысы Қазақстан халқы Ассамблеясының кеңейтілген кеңес отырысы өтті.

Кеңес жұмысына облыстық басқармалардың басшылары, Орал қаласының әкімі және аудан әкімдері, БҚО ҚХА құрылымдық бөлімшелерінің өкілдері, этномәдени бірлестіктердің төрағалары және БАҚ өкілдері қатысты.

Күн тәртібіне сәйкес қарастырылған мәселелер: 4-і институционалдық реформаныжүзеге асыруы бойынша Бөрлі, Зеленов аудандары және Орал қаласы әкімдіктерінің жұмысы туралы. Медиация кабинеттерінің қызметі туралы; Батыс Қазақстан облысы Қазақстан халқы ассамблеясы кеңесінің 2017 жылға арналған жұмыс жоспары туралы;Батыс Қазақстан облысы Қазақстан халқы Ассамблеясы мүшелерінің ротациясы туралы және марапаттауға ұсынылатын кандидаттар туралы; Сонымен қатар, 4-і институционалдық реформаны жүзеге асыру бойынша «Орыс мәдениет орталығы», «Татар мәдени орталығы» қоғамдық бірлестіктерінің жұмыстары тыңдалды; БҚО ҚХА «Қоғамдық келісім» КММ, ғылыми-сараптама бөлімінің басшысы Жумина А.А. «Батыс Қазақстан облысы Қазақстан халқы ассамблеясының даму тұжырымдамасының жобасы» туралы сөз сөйледі;

«Бүгін біз көптеген мәселелерді қарастырдық, облыстық ассамблеяның даму тұжырымдамасы жобасын мақұлдадық, облыстық ассамблея құрамын, облыстық ассамблея кеңесінің жұмыс жоспарын бекіттік, сонымен қатар 4-реформаны жүзеге асыру бойынша Бөрлі, Зеленов аудандары және Орал қаласы әкімдерінің, этномәдени бірлестіктердің есептерін тыңдадық, талқыға салдық. Осы бағыттағы қызмет барысын тиімділігін арттыру мақсатында ұсыныстар мен пікірлер айтылды. Атап өтілген ұсыныстар мен пікірлер алдағы уақытта ескеріліп, жұмыс барысы тиісті бағытта жүргізіледі деген ойдамын. Алдағы уақытта да осындай бірлескен қызметімізге табыс тілей отырып, қоғамдық келісім мен бірлікті одан әрі нығайтудағы жұмысымызда әрқайсымыз белсенділік танытамыз деген сенімдемін», - деді БҚО Қазақстан халқы Ассамблея төрағасының орынбасары Ғ.Х. Қапақов.

Кейін қарай