2017 жылғы 28 маусымда Алматы қаласы Достық үйінде Қазақстан Республикасы байланыс және ақпарат саласы қызметкерлерінің  кәсіби мерекесіне арналған іс-шара ұйымдастырылды.

 Дөңгелек үстел жұмысына Алматы қаласы этномәдени бірлестіктерінің жетекшілері мен мүшелері, этномәдени бұқаралық ақпарат құралдарының бас редакторлары мен өкілдері, Алматы қаласы этномәдени бірлестіктерінің жастары қатысты .

Кездесуді Алматы қ. ҚХА хатшылығының меңгерушісі Н.А. Балғымбаев ашты. «Этномәдени қарым-қатынастар саласындағы ЭМБ ақпараттық-коммуникациялық ресурстарын дамыту мәселесі бүгінде ерекше орын алады. Алматы қ. ақпараттық алаңында 14 этностық газет пен журнал жұмыс атқарады. Газеттер кәріс, ұйғыр, түрік, неміс, армян, күрд, поляк тілдерінде жарық көреді. Неміс, кәріс, ұйғыр, әзірбайжан тілдеріндегі радиобағдарламалар эфирге тұрақты шығып тұрады. ЭМБ басым бөлігі жеке интернет порталға ие. «Танритан» ұйғыр телеарнасы қызмет көрсетіп келеді. Тілшілер клубы құрылды», - деді ол сөзінде.

Іс-шара барысында  ҚХА Төрағасының орынбасары Хамедов А.М. сөз сөйледі. Өз сөзінде: «Заманауи әлем тынысын ақпаратсыз елестету мүмкін емес. Біз бүгін теледидар, радио, периодикалық басылымдар қызметкерлеріне және ақпараттық әлемімізді бай әрі жан-жақты ететін барша азаматтарға құрметімізді білдіреміз»,- деді.

Этномәдени бірлестіктер атынан «Барбанг» Қазақстан күрділері қауымдастығының жетекшісі Мирзоев К.И сөз сөйлеп, жиналған қауымды құттықтады. Сондай-ақ отырыс барысында «Менің Қазақстаным» бағдарламасының продюсері Цой Э.А., «Қазақстан дүнгендері қауымы» ҚБ жетекшісі Войнце А.В., «Ұйғыр авази» газетінің бас редакторы Асметов Е.М., «Алматинский курьер «Полоний» журналының бас редакторы Червинский О.Ч., «Түрікел» медиа тобының президенті Халилова Х.Б., «Түрікел» газетінің бас редакторы Машадиев Р.А. сөз сөйлеп, жылы лебіздерін білдірді.

Барлық қатысушылар бұқаралық ақпарат құралдары бүгінде көптеген кәсіби мамандардың жұмысын атқаратындығын атап өтті. Олар өз еңбегімен мемлекеттің дамуына, қоғамдық келісімді, татулық пен өзара түсіністікті нығайту мен  сақтау бағдарламасының табысты жүзеге асырылуына қомақты үлестерін қосып келеді.

Іс-шара соңында этносаралық қарым-қатынасты, достық пен татулықты нығайтуға, қоғамдық келісімді сақтауға қосқан үлесі үшін Алматы қ. Қазақстан халқы ассамблеясының Алғыс хаттарымен этномәдени бұқаралық ақпарат құралдарының бас редакторлары мен тілшілері марапатталды.

Кейін қарай