Рождество – дүниежүзінде ең сүйікті мереке болып табылады. Христиандар үшін бұл күн ерекше маңызды, өйткені бұл күні олар Иесус Христостың өмірге келуін атап өтеді.

10 қаңтар күні қонақжай Достық үйінің ғимаратында Рождество мерекесі аталып өтілді. Шара Богнат Любовь Ивановна басшылық ететін «Беларусь» этномәдени бірлестігімен, облыстық Қазақстан халқы ассамблеясы және облыстық Достық үйінің ұйымдастыруымен өтті.

Бұл мейрамды атап өтудегі салт-ғұрыптар өзінің алуантүрлілігімен ерекшеленеді.

Мереке күні алдында салтқа сай кешкі ас әзірленеді. Мәзірдегі ең басты тағам – арпа ботқасы.

Концерттік бағдарламада жас бойжеткендер бал ашып, өздерінің болашақ тағдырларын жорыды. Сонымен қатар калядкалар деп аталатын әндер айтылды.

Этномәдени бірлестік мүшелері Рождество мерекесінің тарихы жайлы айтып, мейрам қонақтарын ұлттық тағамдардан дәм татырды.

Рождестволық сал-дәстүрлер Библия тарихындағы Құтқарушының өмірге келуімен тікелей байланысты. Қаңтардың 6-шы жұлдызы Қасиетті кеш немесе «сочельник» деп аталады. Бұл күні барлық белорусс жанұялары мерекелік дастархан басында жиналады. Салт бойынша дастархандағы тағамдар саны 12-ден кем болмауы керек. Рождестволық тағамдарға бидай және көкөністер қосылады.

Баяғыдан жалғасып келе жатқан салт бойынша рождестволық кешкі астан кейін жанұя жастары көршілерді аралап «калядкалар» деп аталатын ұлықтау әндерін орындағын.

Аталған салттардың барлығы ұйымдастырушылардың театрландырылған көріністерінде көрсетілді. Сонымен қатар, шара барысында қонақтар арасында түрлі ойындар өткізілді. Ең белсенді қатысушыларға сыйлықтар ұсынылды.

Кейін қарай