2025 жылғы 16 мамырда Президенттік орталықта ҚХА-ның 30 жылдығы аясында Қазақстан Республикасы Парламентінің «Бір ел - бір мүдде» депутаттық тобының «Бір ел - бір мүдде: татулық пен өркендеу жолында» тақырыбына арналған отырысы өтті.

Іс-шараға Қазақстан Республикасы Парламенті Сенатының төрағасы Мәулен Әшімбаев, Қазақстан халқы Ассамблеясы Төрағасының орынбасары Марат Әзілханов, ҚР Парламентінің «Бір ел - бір мүдде» депутаттық тобының жетекшісі Нұртөре Жүсіп, сондай-ақ Парламент депутаттары, Қазақстан халқы Ассамблеясының өкілдері қатысты.

Отырыс барысында этносаралық қатынастар саласындағы мемлекеттік саясаттың этникалық басымдықтары, азаматтық қоғам институттары мен мемлекеттің өзара іс-қимылы, бейбітшілік пен тұрақтылық идеяларын ілгерілету, сондай-ақ мәдени әралуандықты сақтау мәселелері талқыланды.

Мемлекеттік тілді этносаралық қарым-қатынас тілі ретінде насихаттаудың жаңа тәсілдеріне ерекше назар аударылғанын атап өту қажет.

Кейін қарай