Аналар кеңесі Маңғыстау облысы Қазақстан халқы Ассамблеясы Хатшылығының қолдауымен Отбасы күніне орай «Бір шаңырақ астында» атты конкурсын өткізді.

Біздің еліміз үшінші жыл Отбасы күнін атап өтеді. Биыл мереке №31 «Еркемай» балабақшасында мереке қарсаңында іс-шараға мүшелері түрлі этнос өкілдері болып табылатын отбасылар, этномәдени бірлестіктердің, Аналар кеңесінің және «Жас қанат» жастар ұйымының өкілдері, Маңғыстау облысы әкімі аппаратының «Қоғамдық келісім» КММ-сінің қызметкерлері және басқа да қонақтар қатысты.

Конкурстың мақсаты мен міндеті - отбасына деген жауапты қатынасты тәрбиелеу, сондай-ақ жас ұрпақты қоғамның негізгі құндылықтарынан,  жылы отбасылық қарым-қатынастарды құруда олардың үлесі бар екенінен хабардар ету болып табылады.

«Бір шанырақ астында» конкурсына балабақшада тәрбиеленушілердің отбасылары қатысты, олар: Кушпеновтар отбасы, Нажметдиновтар отбасы және Жубаназаровтар отбасы. Іс-шараны ұйымдастырушылар конкурс қатысушыларына түрлі тақырыптық тапсырмалар дайындады. Олар өздерінің ұлттық киімдерін көрсетті, салт-дәстүрлері туралы айтып берді, викторинаға қатысып, өз өнерлерін көрсетті.

МОӘА «Қоғамдық келісім»КММ баспасөз қызметі

Кейін қарай