Жамбыл ауданы Гродикова ауылының «Мәдениет үйінде» 1 мамыр Казақстан халқының Бірлігі күніне арналған «Бірлігі бекем, тірлігі көркем – Мәңгілік ел Қазақстан!» атты этномәдени бірлестік жастарының арасында фестиваль өтті. Аталмыш іс-шараның ұйымдастырушылары – Жамбыл облысы әкімі аппаратының «Қоғамдық келісім» КММ мен облыс әкімдігінің жастар саясаты мәселелері басқармасы.

Фестивальда 8 этномәдени бірлестік қатысты. Олар: «Ахыска» түрік этномәдени орталығы, облыстық «Вынхуа» дүнгендер ассоциациясының мәдени орталығы», «облыстық гректер қоғамы», «Жамбыл облыстық өзбек этномәдени бірлестігі» қоғамдық бірлестігі, «Жамбыл облыстық «Манас Ата» қырғыз этномәдени бірлестігі», «Айнуры» татар-башқұрт этномәдени бірлестігі», «Барбанг» күрділер ассоциациясы қоғамдық бірлестігі және «Жамбыл облыстық Махмұт Қашғари атындағы ұйғыр этномәдени бірлестігі».

Қазақстан халқының Бірлігі күні мерекесімен Жамбыл облысы Қазақстан халқы ассамблеясы хатшалығының меңгерушісі Маржан Қожаева мен облыс әкімдігінің жастар саясаты мәселелері басқармасының басшысы Мәди Мәтен жылы лебіздерін білдірді.

Қатысушылар 3 сайыс бойынша - «Таныстыру», «Салт-дәстүрлер – ұлт негізі» және «Талант» - бақ таласты. Кеш соңында барлқ қатысушыларға диплом мен бағалы сыйлықтар табысталды.

Кейін қарай