Қазақстан халқы Ассамблеясының жастары #Бізқазақстандықтармыз бастамасын ұсынды.

Алғашқы сын-тегеурінді Нұр-Сұлтан қаласының «Jastar Synergy» қоғамдық қорының директоры Үкібай Нұрпейісов бастайды.

Үкібай Нұрпейісов Оңтүстік Қазақстан облысының тумасы.

Қазақ ұлттық аграрлық университетінің түлегі. Т. Рысқұлов атындағы Қазақ Экономикалық Университеті жанындағы Халықаралық Бизнес Мектебінің экономика және басқару факультетінің «Мемлекеттік және жергілікті басқару» мамандығы бойынша магистранты. Малайзияда «Supply Chain Management» бағдарламасы бойынша тағылымдамадан өткен.

Қазақстан халқы Ассамблеясы жанындағы «Жарасым» республикалық жастар қозғалысын құру бастамашыларының бірі.

Алматы қаласы әкімі аппаратының жанындағы «Қоғамдық келісім» КММ бөлім басшысы болып жұмыс істеген.

Үкібай Нұрпейісов:

Қазақстанда міндетті түрде әркімнің өзге ұлт өкілінен досы немесе әріптесі болады, ал біреулер интернационалды отбасын құрады. Тіліміз бен түріміз бөлек болғанымен, тілегіміз бір. Өйткені біз #Бізқазақстандықтармыз. Біз 130 ұлт өкілі келісім мен татулықта өмір сүріп жатқан бірегей мемлекеттің азаматтарымыз. 

Менің достарым көп. Солардың бірі – Рустам Кайрыев. Ол Қазақстан халқы Ассамблеясының мүшесі, «Қазақстан ұйғыр жастары одағы» аумақтық қоғамдық бірлестігінің төрағасы. Сондай-ақ «Жарасым» РЖҚ құрылуына мұрындық болған жандардың бірі.

Рустам «Ламия», «Нури» топтарының продюсері.

Достар, сендер де өздеріңнің түрлі ұлт өкілдерінен тұратын жолдастарың мен туыстарың туралы жаза аласыңдар. #Бізқазақстандықтармыз флешмобын қолдауға шақырамын!

Елімізде және әлеуметтік желілерде Қазақстан халқының достығын паш етейік!

Нұргүл ШАТЕКОВА

Материалды көшіріп жариялау үшін редакцияның немесе автордың жазбаша, ауызша рұқсаты қажет және Қазақстан халқы Ассамблеясы порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Авторизация бойынша ank_portal@assembly.kz мекен-жайына хабарласыңыз.

Кейін қарай