2017 жылғы 3 мамырда Алматыдағы Республикалық Достық үйінде медиация әдістемелік кабинеті, «Халықаралық құқық қорғау орталығы», Алматы қаласы әкімі аппаратының «Қоғамдық келісім» КММ бірлесіп «Даулар мен жанжалдарды реттеуге арналған Медиация негіздері. Міндетті сотқа дейінгі реттеу» атты семинар-практикум өткізді

Семинарға Алматы қаласының аудандық прокуратура бөлімдерінің, «Нұр Отан» партиясының аудандық филиалының, денсаулық сақтау басқармасының аудандық бөлімдерінің, аудандық АХАЖ бөлімдерінің өкілдері, денсаулық сақтау басқармасының СУП басшылары, бизнес, республикалық және қалалық этно-мәдени бірлестіктердің өкілдері, адвокаттық контора, нотариус, әлеуметтік педагогтар мен құқықтану пәнінің мұғалімдері қатысты.

Семинар жұмысына спикер болып : ҚР Президенті жанындағы «Қоғамдық келісім» РММ Республикалық медиация әдістемелік кабинетінің жетекшісі –Әлтекова Нұрсауле Әбдіқадырқызы, Алматы қаласы соттарының аппеляциялық коллегиясының соты – Қожаханова Гульнар Сейфуллақызы, Алматы қаласы прокуратурасысының басқарма басшысы – Тілеубердиев Мұрат Әжінұрұлы, семинардың бас спикері «Қазақстанның медиаторлар қауымдығы» бас директоры, «Халықаралық құқық қорғау орталығының» президенті, тренер-медиатор – Жақыпов Жанділда Әжіғалиұлы.

Семинар-практикумның негізгі мақсаты жанжалдарды бейбіт жолмен шешу үшін медиация және бітімгершілік рәсімдерін насихаттау және дамыту, келіспеушіліктерді азайту және әлеуметтік тұрақтылық пен келісімді қамтамасыз ету. Даулардың жекелеген санаттары бойынша дауларды (жанжалдарды) медиация тәртібімен сотқа дейінгі реттеуді енгізу бойынша Жоғарғы Соттың пилоттық жобасын тиімді іске асыру.

Семинар қатысушыларына спикерлер медиацияның негізгі мәселелері мен сұрақтарын қарастырып, сотқа дейінгі дауларды шешудың әдістерін көрсетті. Іс-шара барысында сертификаттар табысталды.

Кейін қарай