Павлодар қаласындағы Достық үйінде «Даулар мен жанжалдарды шешудегі медиация негіздері» атты семинар өтті.

Іс-шараның мақсаты – арнайы саннатағы дауларды міндетті сотқа дейін реттеуді енгізуді көздейтін Қазақстан Республикасының Жоғарғы сотының пилоттық жобасын тиімді іске асыру.

Семинар-тренингті «Халықаралық құқық қорғау орталығы» қоғамдық бірлестігінің президенті, ТМД Экономикалық сотының халықаралық арашашысы, «Қазақстан медиаторлар қауымдастығы»  заңды тұлғалар қауымдастығының бас директоры, бапкер-медиатор, Халықаралық ақпараттандыру академиясының академигі Жақыпов Жанділә Ажіғалиұлы өткізді

Іс-шараның ұйымдастырушысы, Павлодар облысы әкімі аппаратының «Қоғамдық келісім» ҚММ-нің медиация орталығының басшысы Николашина Ольга  Леонидовна шараның мақсаттары туралы айтып берді. «Семинар  дауларды бейбіт жолмен шешу үшін, медиация және бітімгершілік институттарын дамытуға және әлеуметтік тұрақтылық пен келісімді сақтауға бағытталады», - деді ол.

Cеминар-тренингке мамандандырылған ауданаралық кәмелетке толмағандар істері жөніндегі сот судьясы Иванова М., қалалық сот судьялары  Әбдікәрімов Н. және Түменбаева А., отставкадағы судья Парамонова Л. және Тыртықбаева А. атсалысты. Сондай-ақ, іс-шараға кәсіпқой медиаторлар, мемлекеттік мекемелердің  және үкіметтік емес органдардың өкілдері қатысты.

Семинарға қатысушылар сертификаттармен марапатталды.

Кейін қарай