2017 жылдың 14 желтоқсан күні сағат 11.00-де, Достық үйінде Қазақстан Республикасының Тәуелсіздігі күніне арналған «Тәуелсіздігім – тұғырым!» атты облыстық форум өтті.

Тәуелсіздік мерекесінің маңызын түсіндіру, жас ұрпақты патриотизмге тәрбиелеу мақсатында ұйымдастырылған форумға Алматы облстық Қазақстан халқы Ассамблеясы төрағасының орынбасары, хатшылық меңгерушісі – Ғабит Тұрсынбай, «Достық үйі – Қоғамдық келісім орталығының» директоры – Тәңірберген Қасымберкебаев, жетекші журналистер клубының төрағасы - А.Идигов, Аналар, Қоғамдық келісім кеңесінің мүшелері, этномәдени орталықтардың төрағалары мен белсенділері, Ардагерлер ұйымының мүшелері, жастар, әскери қызметкерлер және БАҚ өкілдері қатысты.

Мерекелік форумда Алматы облстық Қазақстан халқы Ассамблеясы төрағасының орынбасары, хатшылық меңгерушісі – Тұрсынбай Ғабит Тұрсынбайұлы баяндама жасап, еліміздің басты мерекесі Тәуелсіздік күнімен құттықтады. Сонымен қатар, жыл бойына жұмысымызға атсалысып, белсенділік танытқан азаматтарға алғыс хаттар табыстап, бағалы сыйлықтармен марапаттады.

Республикалық «Шаңырақ» байқауының «Қоғамдық келісім мен жалпыұлттық бірлікті нығайтуға елеулі үлес қосқан тұлғаларға арналған ақпараттық материалдары үшін» номинациясының жеңімпазы, облыстық «Жетісу» телеарнасының журналисі - Гүлназ Мұстапова, облыстық Ассамблеяның жанындағы «Парасат» тіл жанашырлары клубының мүшесі Данилов Руслан құттықтау сөз сөйлеп, республикалық «Мың бала» мәдени ағарту жобасының жеңімпазы, №1 Абай атындағы орта мектеп-гимназиясының 10 сынып оқушысы Диана Щербакова шығармасынан үзінді оқыды.

Форум соңы концерттік бағдарламамен жалғасты.

Дата события ассамблеи: 14.12.2017

Кейін қарай