Нұр-Сұлтан қаласының Достық үйінде «Этносаралық қатынастар саласындағы мемлекеттік саясатты іске асырудағы ғылыми-сарапшылық сүйемелдеу мәселелері» жөніндегі жиын өтті.

Шараға Қазақстан халқы Ассамблеясы Төрағасының орынбасары Марат Әзілханов, ҚР Ақпарат және қоғамдық даму вице-министрі Серік Егізбаев пен ҚР Мәдениет және спорт вице-министрі Нұрғиса Дәуешов, Қолданбалы этносаяси зерттеулер институты директорының орынбасары Айгүл Садвоқасова, «Қоғамдық пікір» зерттеу орталығының директоры Ботагөз Ракишева, ҚР Президентінің жанындағы Қазақстан стратегиялық зерттеулер институты әлеуметтік-саяси зерттеулер бөлімінің жетекші ғылыми қызметкері Мадина Бектенова, Ғылым және инновация депортаментінің директоры Думан Орынбеков және т.б қатысты.

ҚР Мәдениет және спорт вице-министрі Нұрғиса Дәуешов өз сөзінде биылғы «Балалар және жасөспірімдер әдебиеті» жылында ҚХА-мен бірігіп, бірнеше іс-шара ұйымдастыруды ұсынды.

- Алдымен, балалар әдебиетіне қалам сілтеп жүрген еліміздегі өзге ұлт өкілдерінің басын қосып, кездесулер ұйымдастырсақ. Сонымен қатар, мәдениет және өнер саласы ұйымдары мен қызметкерлерінің «Рухани қазына» фестивалінің әділ қазылар алқасына Қазақстан халқы Ассамблеясы мүшесінен адам қоссақ деймін. 21 мамыр - мәдениет саласының қызметкерлері күні қарсаңында Ақмола облысы келесі жылға дейін Қазақстанның мәдени астанасы деп жарияланды Бұл өңірде 12 ай көлемінде жүзден аса іс-шара өтпек. Сол шаралардың бірқатарын Қазақстан халқы Ассамблеясымен бірлесіп өткізуге шақырамын, - деді Н.Дәуешов.

Өз кезегінде Марат Әзілханов айтылған ұсыныстарды ескеретінін жеткізді.

(Суреттерді түсірген Бауыржан Жуасбаев)

Кейін қарай