Елордадағы Достық үйінде Нұр-Сұлтан қаласы Қазақстан халқы ассамблеясы журналистер клубының ұйымдастыру жұмысына арналған жиын өткізілді.

Жиынға қалалық және республикалық БАҚ қызметкерлері, редакторлар, журналистер, тілшілер мен блогерлер қатысты.

Алқалы жиын барысында Нұр-Сұлтан қаласы ҚХА Хатшылығы – Нұр-Сұлтан қаласы Ішкі саясат басқармасының этносаралық қатынастар мәселелері жөніндегі бөлімнің бас маманы Г.В. Кобзева БАҚ-тың рөлі мен журналистердің міндетіне қатысты баяндама жасап, өзекті мәселелер мен алда тұрған міндеттерді саралап шықты.

Нұр-Сұлтан қаласы әкімдігінің жанындағы «Қоғамдық келісім» КММ баспасөз қызметінің бас маманы Әмірхан Алмағанбетов Қазақстан Республикасы Президенті Жолдауының БАҚ-та талқылау мәселесі туралы, Нұр-Сұлтан қаласы ҚХА Журналистер клубының төрайымы Аделя Тухбатова ҚХА-ның құрылу тарихы, негізгі даталары, ресми құжаттары мен құрылымы, соның ішінде елордалық Қазақстан халқы Ассамблеясының құрылымы туралы, этносаралық қатынастар саласындағы ақпараттық және ақпараттық-түсіндіру жұмысының 2021 жылдың екінші жартыжылдығына арналған модельдік жоспары жөнінде, сондай-ақ БАҚ саласында қолданылатын жаңа терминдер бойынша баяндады.

Нұр-Сұлтан қаласы ҚХА баспасөз қызметі бөлімінің басшысы Жұлдыз Айтжанова журналистер клубын дамыту мәселесі мен БАҚ-та материалдардың жариялануына қатысты маңызды ақпараттарды көпшілікке айтып берді.

Кейін қарай