Елордалық Достық үйінде Қоғамдық келісім кеңесінің, Ғылыми-сараптамалық топтың, Аналар кеңесінің және Қазақстан халқы Ассамблеясы «Жастар ассамблеясы» Республикалық жастар қозғалысы филиалының, сондай-ақ ұйымдар мен кәсіпорындардың қоғамдық келісім кеңесінің қатысуымен (бұдан әрі – ҚХА) ҚР Президенті Қасым-Жомарт Тоқаевтың «Жаңа Қазақстанды бірге құрайық!» тақырыбы аясында ҚХА міндетін талқылау бойынша Нұр-Сұлтан қаласы Қазақстан халқы Ассамблеясы құрылымдарының бірлескен отырысы өтті.

Шараны ұйымдастырушы Ішкі саясат басқармасы және Нұр-Сұлтан қаласы әкімдігінің жанындағы «Қоғамдық келісім» КММ.

Елордалық Ассамблеяның қоғамдық құрылымдары мен этномәдени бірлестіктердің өкілдері Мемлекет басшысының сөзінде көрсетілген ҚХА қызметінің әлеуметтік-экономикалық және қоғамдық-саяси салалардағы негізгі бағыттары туралы айтып берді. Шараға қатысушылар бірауыздан Тәуелсіз Қазақстанның басты құндылығы – халық бірлігі екенін айтты.

Сонымен қатар, отырыс барысында елордалық ҚХА-ның алдағы іс-шараларына дайындық мәселелері талқыланып, Қазақстан Республикасы Президентінің қоғамдық келісім мен бірлікті нығайту жөніндегі тапсырмаларын іске асыру бойынша оның барлық құрылымдарының үйлестірілген жұмысы қажеттігі атап өтілді.

Кейін қарай