Бала жүрегі сенгіш болғандықтан, қуыршақтар қойылымының тәрбиелік мәні зор. Өскелең ұрпақтың бойында патриоттық, отансүйгіштік мінез қалыптастырып жүрген, ашылғанына көп бола қоймаса да біраз асуды бағындырған өнер ұжымдары 5 қарашада Көкшетаудағы Достық үйінде Ақмола облысының Білім басқармасының ұйымдастыруымен Ақмола облысы әкімі аппараты жанындағы «Қоғамдық келісім» мекемесінің қолдауымен балалар театрлары және қуыршақ театрлары арасында «Теремок» фестивалі болып өтті.

Бала жүрегі сенгіш болғандықтан, қуыршақтар қойылымының тәрбиелік мәні зор. Өскелең ұрпақтың бойында патриоттық, отансүйгіштік мінез қалыптастырып жүрген, ашылғанына көп бола қоймаса да біраз асуды бағындырған өнер ұжымдары 5 қарашада Көкшетаудағы Достық үйінде Ақмола облысының Білім басқармасының ұйымдастыруымен Ақмола облысы әкімі аппараты жанындағы «Қоғамдық келісім» мекемесінің қолдауымен балалар театрлары және қуыршақ театрлары арасында «Теремок» фестивалі болып өтті.

Басты тақырып «Ертегілер әлемі» болса, әр ұжым берілген тақырып бойынша қойылым қөрсетуі шарт болды. Фестивалге 12 ұжым қатысты. Оның 10-ы театр үйірмелері болса, 2-еуі қуыршақ тетарлары. Облыстың 8 ауданынан жиналған өнерпаз балалардың өнерін, кәсіби әртістерден құралған әділ қазылар алқасы бағалады. Фестиваль қорытындысы бойынша қуыршақ театрларының арасында Шортанды ауданынан келген «Зеленая лампа» ұжымы 2-орынды иеленсе, Зеренді ауданының балалар шығармашылығы үйінің «Ақ бұлақ» қуыршақтар театры 3-орынға лайықты деп табылды. Ал театр ұжымдары бойынша 1-орынды Көкшетау қаласының №4 мектебінің «Рампа» театр үйірмесі иеленсе, 2-орынды Бұланды ауданынан келген «Фантазеры» үйірмесіне берді. «Қуыршақтар» және «Орбита» театрлары үшінші орынды өзара бөлісті.

Фестивалге қатысқан барлық ұйымдар облыстық Білім басқармасының дипломдарымен және мақтау қағаздарымен марапатталып, бағалы сыйлықтарға ие болды.

Ұйымдастырушылар алқасы өз кезегінде балалардың ертегілер әлемінің сыйқыраны батып, оның бойындағы талантын ашу үшін, әдемілік пен нәзіктікке тәрбиелеу үшін осындай фестивалдердің өткізіліп тұратындықтарын айтты. Ал балалар болса жыл сайын «Теремок» балалар және қуыршақ театрлары фестивалінде кездесіп тұруға уәделесіп, тарқасты.

«Қоғамдық келісім»

КММ баспасөз хатшысы

Кейін қарай