Маңғыстау облысындағы этномәдени бірлестік мүшелері 19 қыркүйек күні Ақтау қаласының 52 жылдығына орай, Рубен Григорян ескерткішіне гүл шоқтарын қойды. Тағылымды іс-шараға этномәдени бірлестік мүшелерімен бірге қала әкімі Серікбай Трұмов, ардагерлер, мұнайлы аймақтың белсенді жастары мен БАҚ өкілдері қатысты.

Маңғыстау облысындағы этномәдени бірлестік мүшелері 19 қыркүйек күні Ақтау қаласының 52 жылдығына орай, Рубен Григорян ескерткішіне гүл шоқтарын қойды. Тағылымды іс-шараға этномәдени бірлестік мүшелерімен бірге қала әкімі Серікбай Трұмов, ардагерлер, мұнайлы аймақтың белсенді жастары мен БАҚ өкілдері қатысты.

Рубен Григорян - Шевченко қаласының құрылысына атсалысқан алғашқы белсенділердің бірі. Ол 1961-1971 жылдар аралығында Маңғыстау жерінде еңбек етіп, Каспий аймақтық тау-кен металлургия комбинатының алғашқы басшысы болған.

Іс-шара барысында жиналғандар Рубен Григорян туралы естеліктер айтып, өз ойларын ортаға салды. Солардың бірі, «Ехпайрутюн» армян этномәдени бірлестігінің төрағасы Айрапет Курдоглян. «Бүгін ақмаржан қала Ақтаудың туған күні. Осы 52 жыл ішінде шаһарымыз адам танымастай өсіп-өркендеді. Мұның барлығы жергілікті әкімшілік пен қала тұрғындарының жемісі деп білемін. Мен осындай әдемі қаламды мақтан етемін. Қала күнін тойлау барысында біз бүгін ең алғаш қала құрылысына өз үлесін қосқан жанның бірі Рубен Григорянның ескерткішіне келіп, гүл шоқтарын қойдық. Мұндай жандарды ұмытпай, ұлықтау біздің азаматтық парызымыз деп білемін», деді ол.

МОӘА «ҚОҒАМДЫҚ КЕЛІСІМ» КММ БАСПАСӨЗ ҚЫЗМЕТІ

Кейін қарай