СҚО-да Қазақстан халқы Ассамблеясы мүшелерінің қатысуымен «Этномәдени бірлестіктер арасында жалпы азаматтық бірегейлікті қалыптастыру және қазақстандық патриотизмді дамыту» жобасы шеңберінде онлайн форматта дөңгелек үстел мен БАҚ арасындағы үздік жарияланымдардың жеңімпаздарын марапаттау рәсімі өтті.

Жобаның басты мақсаты - этномәдени бірлестіктердің этностық топтары арасында қазақстандық бірегейліктің жалпы азаматтық құндылықтарын қалыптастыру мен нығайтуда ғылыми шығармашылық интеллигенцияның рөлін арттыру болып табылады.

Еске сала кетсек, конкурс 2020 жылғы 5-20 қазан аралығында онлайн өткізілген еді. Оған Алматы, Орал, Петропавл, Өскемен қалаларының этномәдени бірлестіктер өздерінің БАҚ-қа жариялаған мақалаларын, жазбаларын және басқа да материалын өткізген еді.

Конкурс қорытындысы бойынша әр қаладан жеңімпаздар анықталды. Петропавл қаласынан 3-орынды «Қазақстанның орыс, славян және казак ұйымдары қауымдастығы» заңды тұлғалар бірлестігінің Солтүстік Қазақстан филиалы, 2-орынды «РАДЗІМА» Солтүстік Қазақстан облыстық белорус мәдени орталығы» ҚБ иеленді, қазылар алқасының бірауыздан қабылдаған шешімі бойынша Наиль Абраевтың басшылығымен «Дуслык» «Солтүстік Қазақстан облыстық татар-башқұрт қоғамдық орталығы» ҚБ жеңімпаз атанды.

Қатысушылар дипломдармен және қаржылай сыйлықтармен марапатталды.

Кейін қарай