2015 жылғы 30 қыркүйекте Қазақстан Республикасының Ұлттық мұражайында Қазақстан халқы Ассамблеясының жылына арналған «Қазақстан халқының шәй ішу дәстүрі» көрме-рәсімі ашылды.

2015 жылғы 30 қыркүйекте Қазақстан Республикасының Ұлттық мұражайында Қазақстан халқы Ассам блеясының жылына арналған «Қазақстан халқының шәй ішу дәстүрі» көрме-рәсімі ашылды.

Аталмыш іс-шараға ҚХА Төрағасының орынбасары – ҚР Президенті Әкімшілігінің ҚХА Хатшылығының меңгерушісі Ералы Тоғжанов, ҚР Ұлттық мұражайының директоры Дархан Мыңбай, ҚР Президенті жанындағы «Қоғамдық келісім» РММ директоры Наталья Калашникова, ҚХА мүшелері, мемлекеттік мекемелер, этномәдени бірлестіктер мен БАҚ өкілдері қатысты.

«Шәй бізді бір дастархан басында біріктіреді. Ол қонақжайлылықтың, бірлік пен біртектіліктің белгісі болып табылады. Біз ғасырлар бойы сақталып келе жатқан дәстүрлерді келешек ұрпаққа жеткіземіз»,-деді өз сөзінде Ералы Лұқпанұлы.

Ұлттық музейдегі көрме шәй тарихымен байланысты «Chitra by Newby» (Читра от Ньюби) жалғыз жеке коллекцияның антикварлық заттары қойылған халықаралық көрменің жалғасы болып табылады.

Көрме-рәсімнің мақсаты – рух бірлігінің, шешім бірлігінің, отбасының, достардың, пікірлестердің ауызбіршілігінің символы болып саналатын шәй ішу мәдениетінің бай мұрасымен таныстыру.

Рәсім барысында Қазақстан халқы Ассамблеясының этномәдени бірлестіктері қонақтарды Қазақстан этностарының шәй ішу дәстүрлерімен таныстырып, «Ұлттық натюрморт» көрмесінің ашылуы болды, сондай-ақ шәй тарихына байланысты антикварлық заттардың жеке коллекциясы көрсетілді.

Іс-шара соңында Астана қаласы этномәдени орталықтарының шығармашылық ұжымдары мерекелік концерт ұйымдастырып, халық әндері мен билерін орындады.

_______________

«Қоғамдық келісім» РММ Баспасөз қызметі:

тел.+7(7172) 74-12-15, 74-12-13,

+7707 705 12 11,

E-mail: info_rgy@mail.ru

www.assembly.kz

Кейін қарай