Астана қаласындағы Достық үйінде «Бір ел –бір мүдде» депутаттық тобының төрағасы Н. Жүсіптің төрағалығымен «Этносаралық қатынаста жанжалдардың туындауының проблемалық мәселелері және олардың алдын алу» тақырыбында отырыс өтті.

Отырысқа ҚР Парламенті Сенатының және Мәжілісінің депутаттары, ҚР Мәдениет және ақпарат вице-министрі А. Құрманова, Этносаралық қатынастарды дамыту комитетінің төрағасы Ғ. Шойкин, ҚР Бас прокуратурасының ҚР Ішкі істер, ҚР Оқу-ағарту, ҚР Ғылым және жоғары білім, ҚР Еңбек және халықты әлеуметтік қорғау министрліктерінің, ҚХА мүшелері мен этномәдени бірлестіктерінің өкілдері қатысты.

Отырыста ҚР Мәдениет және ақпарат вице-министрі А. Құрманова алғы сөз сөйлеп, Мәдениет және ақпарат министрлігінің этносаралық келісімді нығайту бағытындағы уәкілетті мемлекеттік орган ретінде орталық және жергілікті органдармен этносаралық келісім саласында үйлестіріп жатқан маңызды бағыттарға тоқталып өтті.

Этносаралық қатынастарды дамыту комитетінің төрағасы Ғ. Шойкин Министрліктің еліміздегі этносаралық қатынастар саласындағы ықтимал шиеленісті жағдайлар мен қақтығыстарды, соның ішінде әлеуметтік желілер мен бұқаралық ақпарат құралдарындағы мәселелерді алдын алу бойынша атқарылып жатқан жұмыстар туралы баяндады.

Сонымен қатар, кездесуге қатысушылар еліміздегі ұлттық бірегейлікті нығайту мен азаматтық құндылықтарды дамыту туралы ой-пікірлерімен, тәжірибелерімен және жаңа тәсілдерімен бөлісті.

Кейін қарай