2025 жылғы 15 қыркүйекте Гумилев атындағы Еуразия ұлттық университетін ҚХА Академиясының «Этносауаттылық және этносаралық қатынастарды БАҚ-та жариялау мәселелері» атты оқу модулінің ашылуы өтті.

Ашылуына ҚХА Төрағасының орынбасары Марат Әзілханов, ҚР Мәдениет және ақпарат вице-министрі Евгений Кочетов, Л.Н. Гумилев атындағы ЕҰУ ректоры Ерлан Сыдыков, ҚХА Журналистер клубының төрағасы, сенатор Алишер Сатвалдиев, ҚХА кафедраларының «Шаңырақ» қауымдастығының төрағасы, ҚХА кафедрасының меңгерушісі НатальяКалашникова қатысты.

15–18 қыркүйек аралығында модуль аясында ҚХА Журналистер клубтарының төрағалары мен мүшелеріне, этникалық БАҚ өкілдеріне және өңірлік «Қоғамдық келісім» КММ баспасөз хатшыларына арналған оқыту бағдарламасы өтеді. Дәрістер мен практикалық сабақтарды этносаралық қатынастар саласындағы жетекші ғалымдар, ҚХА мүшелері, депутаттар мен сарапшылар жүргізеді. Ұйымдастырушылар - Қазақстан халқы Ассамблеясы кафедраларының «Шаңырақ» қауымдастығы, Л.Гумилев атындағы ЕҰУ ҚХА кафедрасы мен ҚХА Журналистер клубы.

Іс-шара Қазақстан халқы Ассамблеясының XXXIV сессиясында Мемлекет басшысы жүктеген тапсырмаларды орындау аясында өткізіліп, ҚХА жобаларын өңірлердің қоғамдық-саяси күн тәртібіне енгізуге бағытталды.

Кейін қарай