Ұлтаралық келісімнің қазақстандық моделін нығайту мақсатында Батыс Қазақстан облысы әкімдігінің қолдауымен ұйымдастырылатын  Ұлттар күні аясында Орал қаласының  мәдениет және демалыс саябағында «Орал-Жайық казактарының одағы» қоғамдық бірлестігінің  «Город малиновых зорь» атты мерекелік  іс-шарасы  өткізілді.

Бағдарламада  зергер шеберлер жұмыстарының көрмесі ұйымдастырылды. Қонақтар Орал казактарының тағамдарынан ауыз тиіп, олардың салт-дәстүрлерінен сыр шертетін музыкалық шығармаларын тыңдады. Мереке қонақтары мен қатысушыларын облыс әкімінің орынбасары Марат Тоқжанов қарсы алып, бүгінгі өткізіліп отырған іс-шараның Қазақстанда тұратын барлық ұлттардың мәдениетін дамытып отырған қазақстандықтардың бірлігін көрсететіндігін атап өтті. «Яикушка», «Жұлдыз», «Сударушка», «Теректиночка», «Дарьиночка», және «Малиновые зори» ансамблдері көптеген көрермендерді өздерінің өнерлерімен қуантты.

- Бұл мереке – бірлікті және біздің туған Оралымызға деген махаббатымызды бейнелейді, біз оны ерекше күнге - Қазақстан Республикасы Тәуелсіздігінің 25 жылдығына арнаймыз, - деді «Орал-Яик казактарының одағы» қоғамдық бірлестігінің төрағасы Вячеслав Солодилов.

Мерекеде сондай-ақ Астана қаласынан келген қонақтар болды. Олар –  Қазақстан Республикасы Тәуелсіздігінің 25 жылдығына және қазақ халқының тарихи тұлғасы этнограф - ағартушы Әлихан Бөкейхановтың 150 жылдығына арнап ұйымдастырылған қазақстандық автомобиль экспедицияна қатысушылар.

Батыс Қазақстан облысы әкімі аппаратының

«Қоғамдық келісім» КММ баспасөз қызметі

Кейін қарай