Петропавл қаласының № 1 мамандандырылған түзету мектеп-интернатында Қазақстан халқы ассамблеясы жастар қанатының «Игі істер командасы» қайырымдылық іс-шара өткізді. Оның мақсаты балаларға шуақты, қуанышты да жақсы көңіл-күй және психологиялық тұрғыдан жеңілдену сыйлау болды. Балалардың көңілін көтеріп, жүздеріне күлкі үйірілту, жан жылуымен бөлісу біреулер үшін «шағын» іс  болып көрінгенмен, іс  жүзінде бұл – балалар өміріндегі қуанышты оқиға, жарқын да әсерлі сәт. Ерікті адам болу мүлдем оңай емес екендігін сеніммен айтуға болады: ең басты талап –жүректің адал болуы, шынайы күле білу және көмектесуге ықыласты болу.         

Қайырымдылық – бұл қажылық іспетті. Сіз көмек бермейсіз, сізге көмек береді, сіз жақсылық жасамайсыз, керісінше сізге... Сіз құтқарушы емессіз, бірақ сізді құтқарады. Қайырымдылық – тас жүректі жібітетін мөлдір судың ағыны сияқты...

Қайырымдылық жасау оңай емес. Ол әркімнің қолынан келе бермейді. Балалар мүгедектерге арналған интернатта болып, ерекше балғындармен кездесті. Балғындар  сізбен тез тіл табысады, құшақтайды, сүйеді, күлімсірейді және өмірден рахат алады... Өздерін және айналадағы әлемді сүйеді.

Жақсы көңіл-күйден, ықыластан, жылы құшақтардан интернат үйі сол күні ең мөлдір махаббат пен қуаныш сезімдеріне толып кеткендей болды.

«Солтүстік Қазақстан облысы әкімінің аппараты» ММ

 «Қоғамдық келісім» КММ баспасөз қызметі

Кейін қарай