Көкшетау қаласының достық Үйінде этнос өкілдеріне ана тілдерін оқытатын сыныптар ашылды.

Облыс әкімінің орынбасары Нұркенов Нұрлан Жанбыршыұлының, Қазақстан халқы Ақмола ассамблеясы хатшылығының басшысы Марзият Тохаеваның және облыстық этномәдени бірлестік төрағалары мен БАҚ өкілдерінің қатысуымен 2014 жылы 13 қарашада «Қоғамдық келісім» КММ этнос өкілдеріне ана тілдерін оқыту бойынша сыныптардың салтанатты ашылуы өтті. 
Қоғамдық келісім сарайында бір шаңырақ астында 12 этномәдени бірлестік еңбек етуде. Бұдан басқа, Қазақстан халқы Ақмола ассамблеясында қызметі этносаралық келісімді нығайтуға бағытталған 5 қоғамдық бірлестік құрылған. Бұл балалар және жастар ұйымының Ассоциациясы, аналар Кеңесі, Тілшілер клубы, Мемлекеттік тілді насихаттау және дамыту Орталығы мен халықтық декоративті-қолөнер шығармашылығы шеберлерінің Ассоцациясы. 
Хореографияның кең залдарында 7 және одан жоғары жастағы оқушылармен би және вокал ұжымы тегін түрде жұмыс жүргізеді. Бұдан былай, ниет білдірушілер тек қана хореография мен вокалға ғана қатысып қоймай, сондай-ақ  мұғалімдері 8 тіл бойынша (қазақ, орыс, неміс, татар, поляк, кәріс, ингуш, армян) дәріс беріп, таңдаған тілінде сөйлеп, оқып және жазып үйрететін арнайы бөлмелер де солардың өкімінде. 
«Қоғамдық келісім» КММ жазылған балалар тілден басқа, Қазақстанда тұратын этностардың тарихымен, әдебиетімен, мәдени салт-дәстүрлерімен және әдет-ғұрпымен таныстыратын елтану саласын меңгереді. 
Тіл сыныптарының ашылуы сияқты елеулі оқиғамен этномәдени бірлестіктердің төрағалары да құттықтады: «Ақмола облысының «Видергебурт» немістер қоғамы» ҚБ төрайымы С.Г.Корнеева, «Ақмола облысының «Вайнах» шешен-ұңғыш қоғамы» ҚБ төрағасы Г.И.Яндиев, сондай-ақ Достық Үйінің жақында ашылған кітапханасына орыс тілі пәні бойынша 200 дана оқу-әдістемелік оқулықтарын сыйға тартқан «Орыстар қоғамы» ҚБ төрағасы Александр Артеменко өз лебіздерін білдірді.
Тіл сыныптарын презентациялауда этномәдени бірлестік өкілдерінің шығармашылық ұжымы мерекелік концерттік бағдарламаларын ұсынды. 
 Ашылудың мерекелік бөлігінен кейін қоңырау соғылып, мұғалімдер өз оқушыларымен «Бейбітшілік және келісім» тақырыптары бойынша сабақтарын өткізуге өз сыныптарына бет бұрды.  

 

Кейін қарай