2014 жылдан бастап Көкшетаудағы «Қоғамдық келісім» КММ жанында «Шаңырақ» тілдерді оқыту клубы жұмыс істейді. Онда балалар тоғыз тілді меңгереді. Олар: қазақ, орыс, поляк, неміс, чуваш, корей, ингуш, армян және татар тілдері.

Чуваш тілін үйрену тобы «Улах» отырыстар формасында өткен «Ларма» ашық сабағына жиналды.

Улах – жастар халық әндерін орындап, түрлі ойындар ойнайтын орын.

Чуваш тілінің оқытушысы Е. Тарасованың көздеген негізгі мақсаты – оқушыларды халық дәстүрлерімен таныстыру ғана емес, сонымен қатар чуваш халқының әдет-ғұрыптары мен шығармашылығын құрметтеуге тәрбиелеу.

Сабаққа «Чуваш этномәдени орталығы» ҚБ төрайымы Елена Мащинская да қатысты. Балалар күздің соңында астық жинап біткен соң бастау алып Масленицаға дейін жалғасатын дәстүрлі чуваш отырыстары туралы кеңірек мағлұмат алды. Ал, әлде біреу халық аңыздарына негізделген әңгіме бастағанда, қалғандары ойлап шығарылмаған тарих жайлы демін ішке тарта қызыға тыңдайды. Отырыстарда қыздар қолөнермен айналысады: өрнектер жасайды, тігеді, тоқиды.

Оқушылар дәстүрлі отырыстардың қайталанбас әсерін сезіне өздері туралы айтып, чуваш тілін меңгеру деңгейлерін көрсетіп, ойындарға қатысып, халық шығармашылығының түрлерін үйренді.

Әрбір оқушы міндетті түрде өзімен бірге халықтың жаны аталатын – жақсылықтың, махаббаттың, шуақты қуаныштың бір бөлігін ала кеткені даусыз, дейді шараны ұйымдастырушылар.

Кейін қарай