Ағымдағы жылдың 28 шілдесінде Қазақстан халқы Ассамблеясы Маңғыстау облысы «Қоғамдық келісім» коммуналды мемлекеттік мекемесі бір топ этномəдени бірлестік өкілдерімен біріге отырып теңіз жағалауына сенбілікке шықты. Жағалауды күл-қоқыстардан тазарту мақсатында ұйымдастырылған сенбілікке орыс, қырғыз, кəріс, шешен, əзірбайжан, т.б. этномəдени бірлестік мүшелері, мекеме қызметкерлері, облыс жастары, еріктілер тобы қатысты.

Барлығы 80-ге жуық адамдардың қатысуымен өткен сенбілікке облыс басшысы Е. Тоғжанов мырза келіп, жасалып жатқан сауапты іске сəттілік тіледі.

Сонымен қатар теңіз жағалауындағы құрылыс алаңындағы құрылысшыларға əзірбайжан, осетин, қырғыз, неміс этномəдени бірлестік өкілдері атынан салқын су, компоттар берілді.

Сенбілікке қатысушылар қаланың тазалығы үшін ерінбей еңбектеніп, нəтижесінде жағалауды күл-қоқыстардан тазартып, 60 қапқа жуық қоқыс жиналды. 
Қоршаған ортаға құрметпен қарап, таза ұстау — əр адамның міндеті!

Кейін қарай