30-31 мамыр күндері Нұр-Сұлтан қаласында Қазақстан халқы Ассамблеясы Саяси қуғын-сүргін және ашаршылық құрбандарын еске алу күніне арналған жыл сайынғы «ТАРИХТАН ТАҒЫЛЫМ – ӨТКЕНГЕ ТАҒЗЫМ» - «ПАМЯТЬ ВО ИМЯ БУДУЩЕГО» халықаралық жобасы аясында бірнеше іс-шара өткізеді.

Атап айтқанда, 30 мамырда сағ.10.00-де Қазақстан Республикасының Ұлттық мұражайында «Кемел болашақ үшін өткенді тарихи-мәдени ұғыну» тақырыбындағы ғылыми-тәжірибелік конференция өтеді.
Конференция басталмас бұрын 9.00-де қатысушылардың назарына бірқатар мәдени шара ұсынылады
- ҚР Президенті Архивінің өзге жұрттың Қазақстанға жер аударуына арналған тарихи-деректі көрмесі (басты кіреберіс фойесі, 1 қабат);
- «Депортациялар тарихынан. Қазақстан. 1939–1945 жж.» деректі жинағы 3-томының тұсаукесері – ҚР Президентінің Архиві (оқу залы, 1 қабат);
- «Лев Премиров: исповедь художника Карлага» кітабының тұсаукесері (оқу залы, 1 қабат);
- «Баға жетпес сый» акциясы (оқу залы, 1 қабат).
Іс-шараға Қазақстан халқы Ассамблеясы Төрағасының орынбасары – ҚР Президенті Әкімшілігінің ҚХА хатшылығының меңгерушісі Ж.Қ.Түймебаев, ҚР Парламентінің депутаттары, дипломатиялық уәкілдік пен мемлекеттік органдар өкілдері, ҚХА мен қоғамдық келісім мүшелері, шетелдік және отандық сарапшылар, ғылыми интеллигенция, қуғын-сүргінге ұшырағандардың ұрпақтары қатысады деп күтілуде.
Сол күні Нұр-Сұлтан қаласының білім ордаларында «Бейбітшілік сабақтары» ұйымдастырылады (ҚазГЗУ, ЕҰУ-дағы ҚХА кафедрасы, Достық үйі және т.б.).
Ал 31 мамырда сағ. 9.00 форумға қатысушылар Ақмола облысының Ақмол ауылындағы «АЛЖИР» мемориалды-мұражай кешеніне барады, сонымен қатар мұнда Еске алу тақтасына гүл шоқтарын қою рәсіміне қатысады.
Сағ.15.00 – 16.00-де «1932-1933 жылдардағы ашаршылық құрбандарының монументі» ескерткішіне гүл қою рәсімі (Нұр-Сұлтан қ. Республика және Абай даңғылдарының қиылысы);
Сағ.17.00 – 18.00-де «Еске алу вахтасы» флэш-мобы («Қазақ еліне мың алғыс» монументі алдында);
Сағ.19.00 – 20.00-де Тбилиси мемлекеттік театрының «АЛЖИР» спектаклінің қойылымы (Қ. Қуанышбаев атындағы Қазақ музыкалық-драма театры) болады.

Кейін қарай