Астана қаласындағы Достық үйінде ҚР Президенті жанындағы Мемлекеттік басқару академиясының Ұлттық мемлекеттік саясат мектебінің магистранттарына арналған көшпелі дәріс ұйымдастырылды. Іс-шараны Қазақстан халқы Ассамблеясы Хатшылығы өткізді.

Қатысушыларға Ұлттық мемлекеттік саясат мектебінің директоры Талғат Жақиянов пен ҚР Президенті Әкімшілігі жанындағы АНК Хатшысының орынбасары Анастасия Щегорцова құттықтау сөз сөйледі.

Бағдарлама тыңдаушылары - тәжірибелі мемлекеттік қызметшілер -«ҚХА-ға 30 жыл: бірлік, келісім және қоғамға қызмет» тақырыбы аясында Қазақстан халқы Ассамблеясының қызметімен жан-жақты танысты. Дәріс барысында Ассамблея жұмысының негізгі бағыттары: ақпараттық саясат, жергілікті атқарушы органдармен өзара іс-қимыл, сондай-ақ Этномедиация орталығының практикалық тәжірибелері қамтылды.

Қатысушылар үшін «Этномедиация» тақырыбында арнайы мини-тренинг өткізіліп, ол жаңа білімді тәжірибе жүзінде бекітуге мүмкіндік берді. Сонымен қатар, қонақтар Достық үйінің экспозицияларымен, этномәдени бірлестіктер мен Ассамблеяның қоғамдық құрылымдарының қызметімен танысты.

Мұндай іс-шаралар тәжірибе алмасуға, кәсіби құзыреттерді жетілдіруге, сондай-ақ Қазақстан халқы Ассамблеясының қоғамдық келісім мен ұлттық бірлікті қамтамасыз етудегі маңызды рөлін терең түсінуге ықпал етеді.

Кейін қарай