Шығыс Қазақстан облысы Қазақстан халқы Ассамблеясының еріктілері туған жерінің табиғи байлықтарын қорғау мақсатында, экологиялық акцияға белсене атсалысты.

«Бұл іс-шараның басты мақсаты, ең алдымен су ресурстарын үнемдеу және демалыс аймақтары мен қаланың көрікті жерлерін тазарту арқылы экологиялық жағдайды тұрақтандыруға көмектесу», - деп атап өтті ШҚО Қоғамдық келісім кеңесінің төрағасы Геннадий Пуссеп.

Жас энтузиастар Дубыгалинское көлінің жағалауын тазалап, басқа да тұрғындарды осы ісшараға қол ұшын созуға шақырды.

«Біз 200-ден астам қоқыс сөмкелерін жинадық. Көңілге қаяу түсіретін нәрсе - әр ағаштың, бұтаның, тастың түбінде бөтелке, кәмпит орамасы немесе осыған ұқсас заттарды табуға болады, бұл адамдардың табиғатқа немқұрайлы қарайтындығының анық көрінісі», - деп атап өтті акция қатысушысы Абдильдина Тамирис.

Еріктілер мұнымен шектелмей, осындай табиғатқа пайда әкелетін акцияларға белсене қатыса беретіндіктерін мәлімдеді.

Кейін қарай