2025 жылғы 17 қаңтарда Астана қаласының Достық үйінде республикадағы жетекші басылымдардың бірі - «Казахстанская правда» газетінің 105 жылдығына арналған «Этапы большого пути» ғылыми-тәжірибелік конференциясы өтті.

Іс-шараға мемлекеттік органдар, қоғамдық ұйымдар, дипломатиялық корпус пен этномәдени бірлестіктердің өкілдері, сондай-ақ журналистер, ғалымдар және медиаиндустрия сарапшылары қатысты.

Конференция «Казахстанская правда» басылымының тарихы менеліміздің қоғамдық-саяси өміріндегі рөлі туралы баяндайтын мұрағаттық материалдардың бірегей фотокөрмесінен басталды.

Конференция аясында Қазақстан Республикасы Президенті Әкімшілігі Қазақстан халқы Ассамблеясы Хатшылығы меңгерушісінің орынбасары Анастасия Щегорцова Қазақстан халқы Ассамблеясы Төрағасының орынбасары Марат Әзілхановтың құттықтау хатын оқып, газеттің еліміздің әлеуметтік-саяси өміріндегі маңызын атап өтті.

Сондай-ақ, «Казахстанская правда» журналисі Әсет Сыздықовтың Алматының тарихи және мәдени аспектілеріне арналған «Алматинское чудо» кітабының тұсаукесері өтті.

Конференция ақпараттың қарқынды өзгеруі жағдайында баспа және сандық медианың болашағын талқылаудың маңызды алаңына айналды.

Кейін қарай