Қазақстан халқы Ассамблеясының Хатшылығында Солтүстік Қазақстан облысы әкімдігі Ішкі саясат басқармасының басшысы А. Хабибулин мен «Қоғамдық келісім» КММ басшысының міндетін атқарушы Б. Базарбаевтың есебі тыңдалды.

Іс-шара Мемлекет басшысы Қазақстан халқы Ассамблеясының XXXIV сессиясында берген тапсырмаларын іске асыру аясында өтті.

Кездесу барысында қоғамдық келісім мен этносаралық бірлікті нығайтуға бағытталған ҚХА-ның қоғамдық жобаларын іске асыру бойынша негізгі бағыттар талқыланды.

Ақпараттық-түсіндіру тобының жұмысына, этномедиация институтын дамытуға, сондай-ақ өңірдегі ағартушылық және мониторингтік қызметті күшейтуге ерекше назар аударылды.

Этномәдени бірлестіктердің қоғамдық өмірге белсенді қатысуын арттыру және жергілікті жерлердегі ведомствоаралық өзара іс-қимылдың тиімділігін арттыру бойынша ұсыныстар айтылды.

Кейін қарай