Кезекті отырыс барысында Актөбе облысы Ішкі саясат басқармасы басшысының орынбасары, Қазақстан халқы Ассамблеясы хатшылығының меңгерушісі Арыстанбек Төлеуовтың, Ішкі саясат басқармасының Этносаралық қатынастарды дамыту бөлімінің басшысы Нұржамал Тұржанованың, сондай-ақ «Қоғамдық келісім» КММ басшысы Дариға Исмағамбетованың атқарылған жұмыстар туралы баяндамалары тыңдалды.

Қатысушылар өңірлік деңгейде этнос өкілдері арасындағы сындарлы диалогты ілгерілету және этносаралық келісімді нығайту мәселелерін талқылады.

Қазақстан Республикасы Президентінің Қазақстан халқы Ассамблеясының XXXIV сессиясында берген тапсырмаларын іске асыру бағыттары, этномедиация бойынша оқыту семинарларын ұйымдастыру, мәдени әралуандықты нығайту және мемлекеттік тілді насихаттау мәселелері қарастырылды.

Жастарды қоғамдық бастамаларға барынша белсенді тартуға бағытталған жастар қанатының жобаларын дамыту және оларды іске асыруға ерекше назар аударылды.

Кейін қарай