ҚР Мәдениет және ақпарат министрлігі Этносаралық қатынастарды дамыту комитеті мен «Қоғамдық келісім» РММ өкілдерінің қатысуымен Қазақстан халқы Ассамблеясы Хатшылығының жұмыс отырысы өтті.

Кездесу барысында Атырау облыстық Қазақстан халқы Ассамблеясы мен Достық үйінің қызметі туралы есеп тыңдалды. Атырау облыстық ҚХА Хатшылығының меңгерушісі Мәншүк Мәменова, этносаралық қатынастар бөлімінің басшысы Дәурен Мендалиев және Достық үйінің директоры Ләззат Жылқышиева баяндама жасады.

Этносаралық келісім мен бірлікті нығайту, Ассамблеяның қоғамдық жобаларын іске асыру, сондай-ақ ақпараттық жұмысты күшейту және мәдени-ағартушылық іс-шараларды ұйымдастыру мәселелеріне баса назар аударылды.

Талқылаудың маңызды тақырыбы – этномәдени бірлестіктердің өзара іс-қимылын қамтамасыз ететін және этносаралық диалогты дамытудың заманауи орталығына айналатын жаңа Достық үйінің құрылысы болды.

Кейін қарай