Қазақстан халқы Ассамблеясының XXXIV сессиясының шешімдерін іске асыру шеңберінде ҚР Мәдениет және ақпарат министрлігі Этносаралық қатынастарды дамыту комитеті мен «Қоғамдық келісім» РММ өкілдерінің қатысуымен ҚХА Хатшылығының жұмыс отырысы өтті.

Кездесу барысында Ұлытау облысының Достық үйінің қызметі туралы есеп тыңдалды. Облыстық қоғамдық даму басқармасының басшысы Бақытжан Жайлаубаев, ҮЕҰ-мен жұмыс және этносаралық қатынастарды дамыту бөлімінің басшысы Нұрзат Әскер, сондай-ақ «Қоғамдық келісім» КММ директоры Гүлбану Сейтжанова баяндама жасады.

ҚХА XXXIV сессиясының шешімдерін іске асыру бойынша өңірлік Жол картасын әзірлеу мәселелері, Ұлытау облысының этномәдени бірлестіктерінің негізгі іс-шаралар жоспары, сондай-ақ Ассамблеяның 13 қоғамдық жобасын іске асыруға жауапты тұлғаларды айқындау мәселелері талқыланды.

Өңірдегі журналистер клубы мен этномедиация кеңесінің жұмысын жандандыру, этномәдени бірлестіктердің өзара іс-қимылын қамтамасыз ететін және этносаралық диалогты дамытудың заманауи орталығына айналатын Достық үйінің жаңа ғимаратын салу мәселелеріне ерекше назар аударылды.

Кейін қарай