Қостанай облысындағы этносаралық қатынастарды дамыту мәселелері бойынша Қазақстан халқы Ассамблеясы Хатшылығының жұмыс кеңесі өтті.

Аталған кеңес Қазақстан халқы Ассамблеясының XXXIV сессиясының қорытындысы бойынша Мемлекет басшысы берген тапсырмаларды іске асыру аясында өтті. Іс-шараға Қазақстан Республикасы Мәдениет және ақпарат министрлігінің Этносаралық қатынастарды дамыту комитетінің және «Қоғамдық келісім» РММ өкілдері қатысты.

Кездесу барысында Қостанай облысы Достық үйінің қызметі туралы есеп тыңдалды. Баяндамалармен Қостанай облысы қоғамдық даму басқармасы басшысының орынбасары Қайрат Казез және Қостанай облысы қоғамдық даму басқармасының «Қоғамдық келісім» КММ басшысы Наталья Рамазанова сөз сөйледі.

Кеңесте ҚХА XXXIV сессиясының шешімдерін және Ассамблеяның 13 қоғамдық жобасы жоспарын жүзеге асыру мәселелері қаралды.

Мемлекеттік саясаттың басымдықтары, этносаралық өзара іс-қимылды дамыту, қоғамдық келісім және этномедиация мәселелері бойынша семинарлар өткізу бойынша ақпараттық-түсіндіру жұмыстарына баса назар аударылды.

Кейін қарай