Қазақстан халқы Ассамблеясының XXXIV сессиясында Мемлекет басшысы берген тапсырмаларды іске асыру аясында ҚХА Хатшылығында Астана қаласы Ішкі саясат басқармасы басшысының орынбасары Л. Құсайынова мен Астана қаласы Достық үйінің директоры Н. Айдашевтың баяндамасы тыңдалды. Баяндамашылар жалпыұлттық бірлік пен келісімді нығайту, ҚХА XXXIV сессиясының шешімдерін іске асыру, ҚХА қоғамдық жобаларын жүзеге асыру тақырыптарын қамтыды. Іс-шараға ҚР Мәдениет және ақпарат министрлігінің, «Қоғамдық келісім» РММ өкілдері қатысты.

Кездесу барысында ҚХА XXXIV сессиясының шешімдерін орындауға арналған өңірлік Жол картасын әзірлеу, Қазақстан халқы Ассамблеясының 30 жылдығын ұйымдастыру мен өткізу бойынша Іс-шаралар жоспарын жүзеге асыру, этномәдени бірлестіктердің негізгі іс-шаралары және Ассамблеяның 13 қоғамдық жобасының әрқайсысы бойынша ҚХА мүшелері мен қоғамдық құрылымдар арасынан жауапты тұлғаларды бекіту мәселелері талқыланды.

Кейін қарай