Жұмысшы мамандықтары жылы мен Еңбек күніне орай Астана қаласы Қазақстан халқы Ассамблеясы «DAT KZ» ЖШС-нің газоблок шығаратын «UNITON» зауытына іссапар ұйымдастырды.

Іс-шараға ҚР Парламенті Сенатының депутаттары Геннадий Шиповских пен Әсем Рахметова, Астана қаласы мәслихаты депутаттарының ҚХА-мен өзара іс-қимылы жөніндегі уақытша комиссия мүшесі Асқар Смағұлов, сондай-ақ қала әкімдігі мен елорда Ассамблеясының өкілдері қатысты.

Қонақтар өндірістік үдеріс пен кәсіпорын жетістіктерімен танысып, еңбек ұжымымен кездесті. Кәсіби мерекеге орай үздік қызметкерлерді құттықтап, алғыс хаттар табыстады.

ҚХА өкілдері жұмысшылардың өңір мен ел экономикасына қосқан үлесіне ризашылық білдіріп, әрбір адамның еңбегі - тұрақты дамудың негізі екенін атап өтті.

Кездесу барысында қатысушылар жұмысшы кәсіптердің әлеуметтік прогресс пен өмір сапасын арттырудағы маңызды рөлін ерекше атап өтті.

Айта кетейік, Қазақстан халқы Ассамблеясының 30 жылдығы аясында кәсіпорын базасында Еңбек Ассамблеясының өкілдігі ашылуы жоспарлануда.

Кейін қарай