«Қоғамдық келісім» РММ онлайн режимде республикалық және өңірлік этномәдени бірлестіктер басшыларымен «Nur Otan» партиясының кезектен тыс съезінде айтылған бастамаларды талқылады.

«Вайнах» шешен және ингуш халықтарының мәдениетін дамыту Қауымдастығы» ЗТБ тең төрағасы А.Мурадов партияның XXII съезінде Мемлекет басшысы Қасым-Жомарт Тоқаев алдағы бағдарламалық өзгерістердің маңызды бағыттарын белгілегенін атап өтті.

«Мәлімделген трансформация жаңа Қазақстанды қалыптастыруда ауқымды саяси өзгерістердің алғашқы қадамы болып табылады. Сондықтан «Nur Otan»-ның «Amanat» партиясы болып өзгеруі оның трансформациялануымен қатар, ел азаматтары үшін де жаңа өзгерістер кезеңі болары хақ», – деді А.Мурадов.

Пікір алмасу аясында республикалық «Ахыска» түрік этномәдени орталығы» ҚБ Алматы облыстық филиалының төрағасы Ш.Асиев қайта құру тек партияның атауын өзгертуде ғана болмайтындығын айтты.

«Алда әлі қайта жүктеу, сондай-ақ партия мен жалпы саяси жүйені толық жаңғырту бойынша үлкен жұмыс күтуде. Дей келе, этномәдени бірлестіктер осы бағытта партиямен одан әрі ынтымақтастыққа дайын», – деп, ұсынысын жария етті.

Сондай-ақ, «Қазақстан Республикасы өзбектерінің «Дустлик» этномәдени бірлестіктері қауымдастығы» ЗТБ төрағасы И.Хашимжанов халықпен өзара іс-қимылдың тиімді тетігін құрудың маңыздылығына назар аударды.

«Азаматтардың сұрақтары айтылып қана қоймай, практикалық шешімін табуы керек. Партияның жұмысын құру үшін барлық қажетті ресурс бар, ол үшін депутаттар бірлесе талдау жұмыстарын жүргізіп, нақты қадамдар жасауы тиіс», – деді спикер.

Кездесу соңында қатысушылар Мемлекет басшысы белгілеген реформаларды жүзеге асыруға белсенді қатысуға дайын екендіктерін білдірді.

Кейін қарай