Алматы қаласында тұрғын үйі толықтай жанып кеткен отбасыға Қазақстан халқы Ассамблеясы жанындағы «Жомарт жан» орталығы мен Алматы қаласы ҚХА жанындағы Ақсақалдар кеңесі қайырымдылық көмегін көрсетті. Бұл - ҚХА-ның елдегі бірлік пен жанашырлықты нақты іспен насихаттап жүргенінің айқын көрінісі.

Игі іске Қазақстан халқы Ассамблеясы жанындағы «Жомарт жан» орталығының төрағасы, «Қазақстан ұйғырларының республикалық этномәдени орталығы» ҚБ жетекшісі Долкунтай Абдулхалилұлы Алиев бастамашы болды. Ол өрт салдарынан баспанасыз қалған М.Г. Айтқожина мен оның отбасына материалдық көмек көрсетіп, бірінші кезектегі қажеттіліктерін өтеуге атсалысты.

Шараға сондай-ақ Алматы қаласы ҚХА жанындағы Ақсақалдар кеңесінің төрағасы Болат Оспанов, "Республикалық тәжік этномәдени орталығы" қоғамдық бірлестігінің Алматы қаласындағы филиалының төрағасы Додар Махмадулоев, «Ариана» ауған орталығының" төрағасы Махмуд Эльяс және "Мурас" қырғыз этномәдени бірлестігінің" төрағасы Манас Ташибеков қатысты. Олар отбасыға азық-түлік пен тұрмыстық заттар жеткізіп, рухани қолдау мен жанашырлықтарын білдірді.

Өрттің шығуына ақаулы электр сымдары себеп болған. Тілсіз жау отбасының баспанасын толықтай жойып жіберді.

Осындай қиын сәтте көрсетілген бұл көмек - қоғамдағы өзара жанашырлықтың, бірлік пен рухани тұтастықтың шынайы үлгісі. ҚХА құрылымдарының мұндай нақты іс-қимылдары Ассамблеяның әлеуметтік жауапкершілік бағытындағы жұмысын күшейтіп, ел ішіндегі өзара сенім мен түсіністікті нығайтуға өз үлесін қосуда.

Кейін қарай