Қазақстан халқы Ассамблеясының медиасаласын дамыту мәселелеріне арналған жұмыс кездесуі өтті.

Кездесуге Қазақстан Республикасы Парламенті Сенатының депутаты Алишер Сатвалдиев, ҚХА Хатшылығының инспекторы Мұхтар Күлжан, «Қоғамдық келісім» РММ өкілдері, Л.Н. Гумилев атындағы ЕҰУ ҚХА кафедрасының қызметкерлері қатысты.

Қатысушылар ҚХА Журналистер клубының алдағы жұмыс бағыттарын қарастырды. Атап айтқанда, клуб төрағаларын, этноБАҚ өкілдерін және өңірлік баспасөз қызметтерінің мамандарын даярлау және біліктілігін арттыру мәселелері талқыланды.

ҚХА кафедрасы мен «Шаңырақ» университеттері жанындағы ҚХА кафедралары мен орталықтары қауымдастығы республикалық қоғамдық бірлестігімен бірлесе отырып, ҚХА қоғамдық құрылымдарына арналған оқыту жобасын жүзеге асыруда. Бұл жоба Ассамблеяның 30 жылдығы аясында қолға алынған.

2024 жылғы қарашада Достық үйлері басшыларына арналған пилоттық оқыту модулі өткізілді. Модуль тақырыбы: «Достық үйі қызметіндегі басқарушылық және әлеуметтік-саяси құзіреттер».

Жуықтағы жоспарлар қатарында – ҚХА академиясы базасында Журналистер клубтары төрағаларына, этноБАҚ бас редакторларына және өңірлік «Қоғамдық келісім» КММ баспасөз хатшыларына арналған оқыту модульдерін ұйымдастыру көзделуде.

Кейін қарай