2022 жылы 8 қарашада Ұлытау облысы Жезқазған қаласында, 11 қарашада Қызылорда облысының Қызылорда қаласында Қазақстан халқы Ассамблеясының 2022-2026 жылдарға арналған Даму тұжырымдамасын іске асыру шеңберінде ҚХА Медиация институтын дамыту бойынша семинар-тренингтер өтуде.

Ұйымдастырушылар - ҚР Ақпарат және қоғамдық даму министрлігі, ҚР АҚДМ «Қоғамдық келісім» РММ.

Семинардың мақсаты - этносаралық қақтығыстарды реттеу бойынша білім мен дағдыларды қалыптастыру, алдын-алу саясатын дамытуға ықпал ететін медиацияны пайдалану әдістері мен тетіктерін оқыту, қоғамдық келісім мен жалпыұлттық бірлікті нығайтуға байланысты қоғамдық ұйымдардың қызметінде жаңа нысандарды іздеу.

Бүгін алғашқы шара Ұлытау өңірінен бастау алды. Жаңадан құрылған Ұлытау өңірі, көшпелілер мәдениеті мен дала өркениеті қалыптасқан киелі мекен.

Семинарға ауыл әкімдері, білім беру жүйесінің өкілдері (мектеп директорларының тәрбие ісі жөніндегі орынбасарлары, ЖПҚ өкілдері, учаскелік полиция инспекторлары), этномәдени бірлестіктердің, Ассамблеяның қоғамдық құрылымдарының өкілдері, медиаторлар қатысуда.

Келесі шара Қызылорда қаласында өтеді.

Күні: 11 қараша, 2022 жыл

Уақыты: сағат 10.00

Өткізілетін орны: Қызылорда қ. Достық үйі, Ы.Жақаев к., 24

Кейін қарай