Қайырымдылық – адам бойындағы асыл қасиет. Ел болашағы балаларды қолдауға арналған игі істің себепкері болған ҚХА-ның «Мектепке жол» акциясы еліміздің әр өңірлерінде үздіксіз өтуде. Ассамблея өкілдерінің дәстүрлі ісіне айналған қайырымдылық шарасы Атырау облысында да белсенді түрде қолдау тапты.

26 тамыз күні өткен облыстық Қазақстан халқы Ассамблеясының қайырымдылық акциясына өңірдегі этномәдени бірлестіктермен қатар облыстық «Ассамблея жастары», аудандардағы Аналар мен Ақсақалдар кеңестерінің мүшелері де қатысты.

«Жұмыла көтерген жүк жеңіл» демекші, аз қамтылған және көпбалалы отбасылардан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде қолдау көрсету және әлеуметтік себептер бойынша балалардың мектептен қалмауын көздеген акция аясында биыл Атырау облысы бойынша 100-ден аса оқушы арнайы мектеп құралдарымен және киім-кешектермен қамтылды.

Айта кетейік, Атыраудағы «Мектепке жол» дәстүрлі жалпы республикалық қайырымдылық акциясы тамыз-қыркүйек айларында өтеді.

Кейін қарай