2023 жылғы 8 маусымда Астана қ. Достық үйінде Қазақстан халқы Ассамблеясы Төрағасының орынбасары – Хатшылық меңгерушісі Марат Әзілхановтың Жалпыұлттық социал-демократиялық партия (ЖСДП) өкілдерімен кездесуі өтті.

Кездесу барысында М.Әзілханов партия өкілдерін Ассамблеяның ағымдағы қызметі және қоғамдық келісім мен жалпыұлттық бірлікті нығайту бойынша жүргізіліп жатқан жұмыстарымен таныстырды.

"Ассамблеяның XXXII сессиясы саяси реформалар бағдарламасының жалғасы болды. Оның қорытындысы бойынша этносаралық қатынастар мәселелерінің барлық тетіктеріне сай тапсырмалар берілді. Негізгі міндеттердің бірі этномәдени бірлестіктердің орталықта да, жергілікті жерлерде де этносаралық коммуникацияның тиімді құралдарын қалыптастыру үшін саяси партиялармен өзара іс - қимыл жасауына жаңа серпін беруі болып табылады", - деді ол.

Өз кезегінде ЖСДП төрағасы Асхат Рақымжанов партия қызметінің негізгі бағыттары туралы айта отырып, халық арасындағы бейбітшілік пен достық, ынтымақ пен келісім қағидаттары табысты мемлекеттің басты кепілі екенін тілге тиек етті.

"Қазақстандағы толеранттылық пен ұлтаралық келісімнің бірегей тәжірибесі тиісті жалпы әлемдік процестерге елеулі үлес қоса алатынына сенімдіміз", - деп атап өтті ЖСДП төрағасы.

Кездесу барысында тараптар қазақстандық қоғамда жалпыұлттық бірлік, қоғамдық келісім және үйлесімді этносаралық қатынастар құндылықтарын ілгерілетуге бағытталған бірлескен қоғамдық, мәдени-бұқаралық, шығармашылық, ғылыми-практикалық іс-шараларды өткізу бойынша ынтымақтастық пен өзара іс-қимыл мәселелерін талқылады.

Іс-шара соңында екіжақты деңгейде Қазақстан халқы Ассамблеясы мен «Жалпыұлттық социал-демократиялық партия» РҚБ арасында өзара ынтымақтастық туралы Меморандумға қол қойылды.

Кейін қарай