19–21 қыркүйек күндері Қарағанды қаласында ҚХА-ның «Жеңіс - бірлікте» спорттық платформасы аясында пауэрлифтингтен «Алтын Батыр 5» Әлем чемпионаты өтті.

Жеті елден келген 1200-ден астам спортшы үздіктердің үздігі атағы үшін бақ сынады.

ҚХА «Жомарт жан» жобасының мүшесі, Қарағанды облыстық «Неміс орталығы «Видергебурт» қоғамдық бірлестігінің төрағасы Александр Гиберт Storm International командасымен бірлесіп, жеңімпаздарға арнайы сыйақы қорын тағайындады.

ҚХА атынан Чемпионатқа қатысқан жас спортшылар үшін бұл жарыс оларды спортпенодан әрі шұғылдануға серпін берді.

ҚХА-ның «Жеңіс - бірлікте» спорттық платформасы бірлік құндылықтарын спорт арқылы нығайтуға, бұқаралық бастамаларды қолдауға және жастардың дамуына жағдай жасауға бағытталған. Оның басты мақсаты - спортты тек физикалық жетілу құралы ғана емес, сонымен қатар тәрбиенің, әлеуметтік интеграцияның және қоғамды топтастырудың маңызды факторы ретінде дамыту.

Кейін қарай