2023 жылғы 16 тамызда Талдықорған қаласында Қазақстан халқы Ассамблеясы төрағасының орынбасары М. А. Әзілхановтың Жетісу облысы ҚХА мүшелерімен кездесуі өтті.

Кездесуге Қазақстан Республикасы Парламенті Сенатының депутаты Г.Г. Шиповских, облыс әкімінің орынбасары Р. Али, «Ассамблея жастары» РҚБ өкілдері, сондай-ақ Жетісу облыстық ҚХА мүшелері, этномәдени бірлестіктерінің төрағалары қатысты.

Кездесу барысында Жетісу облысының ҚХА қоғамдық құрылымдарының өзекті мәселелері және қызметін одан әрі жетілдіру жоспарлары талқыланды.

Кездесу барысында облыстық ҚХА Аналар кеңесінің төрайымы Н.К. Баймадиева, облыстық мәслихат депутаты, Қоғамдық кеңестің төрағасы, Текелі қаласы «Облыстық орыс орталығы» ҚБ филиалының төрайымы К.М. Нестерова және облыстық корей этномәдени орталығының өкілі В.Л. Ли баяндама жасады.

Кездесу Жетісу облысы әкімінің орынбасары, Жетісу облысы ҚХА төрағасының орынбасары Р. Алидің кіріспе сөзінен басталды. Ол: «Бүгінде жұмыстың қалай жүзеге асырылып жатқанын және өңірде қойылған міндеттердің іс жүзінде қалай орындалғандығын, мемлекет пен азаматтық қоғам арасындағы сындарлы диалогтың қалай жолға қойылғандығын, этномәдени бірлестіктер мен әртүрлі қоғамдастықтардың өкілдері Қазақстан халқы Ассамблеясының XXXII сессиясында айтылған құндылықтар төңірегінде қалай шоғырланып жатқанын көру маңызды», - екенін атап өтті.

Қазақстан халқы Ассамблеясы төрағасының орынбасары М. А. Әзілханов өз сөзінде: «Кездесу Ассамблеяның XXXII сессиясы мен елдің бүкіл идеологиялық жүйесін дамыту үшін маңызды болған Ұлттық құрылтай отырысы өткізілгеннен кейін өтедуде. Ал этносаралық қатынастар осы жүйенің ажырамас және басым бөлігі болып табылады», - деп айқындады.

Марат Алмасұлы Әзілханов: «Қоғамдық құрылымдардың жұмысы халықпен тікелей өзара байланыста құрылуы тиіс.

Бүгінде бізге дөңгелек үстелдер мен кабинеттерде жұмыс жасау емес, халықпен бірге жұмыс, оқу немесе күнделікті өмір орындарында жасалатын нақты жобалар қажет.

ҚХА қызметіндегі жаңа жобалар мен тәсілдердің іске асырушылары сіздер - Ассамблеяның белсенді мүшелері болуға тиіс», - деп қорытындылады.

Өз сөзінің соңында М.А. Әзілханов Жетісу облысы ҚХА мүшелеріне белсенді қызметі үшін алғыс айтып, барлық қатысушыларға сәттілік тіледі.

Кейін қарай