2025 жылғы 4-5 қыркүйек күндері Қазақстан халқы Ассамблеясы Төрағасының орынбасары Марат Әзілханов Батыс Қазақстан облысына жұмыс сапарымен келді.

Қазақстан халқы Ассамблеясы Төрағасының орынбасары Батыс Қазақстан облыстық Қазақстан халқы Ассамблеясы Кеңесінің отырысына қатысты.

Іс-шара барысында Мемлекет басшысы ҚХА-ның XXXIV сессиясында жүктеген тапсырмаларды іске асыру, этносаралық бірлікті нығайту, ақпараттық-түсіндіру жұмысының тиімділігін арттыру, азаматтық қоғам институттарын ҚХА жобаларын жүзеге асыруға тарту мәселелері талқыланды.

Батыс Қазақстан облысы Қазақстан халқы Ассамблеясы және «Ассамблея жастары» РҚБ БҚО өкілдерімен кездесулер өтті.

Кездесулер барысында этносаралық келісімді нығайту, қазақстандық азаматтық бірегейлікті дамыту, этномәдени бірлестіктерді қолдау және олардың мәдениетін жаңғырту тақырыптары талқыланса, «Ассамблея жастары» желісі бойынша - креативті жобаларды қолдау, көшбасшылық қабілеттерді дамыту және Ассамблеяның әлеуметтік маңызы бар жобаларына жастарды белсенді тарту мәселелері талқыланды.

Сондай-ақ, Қазақстан халқы Ассамблеясы төрағасының орынбасары Марат Әзілханов Батыс Қазақстан облысының татар мәдени орталығында болып, Теректі аудандық Достық үйінің тыныс-тіршілігімен танысты.

Кейін қарай