Құрметті достар!

Жыл сайын шілденің бірінші жексенбісі біз халқымыздың рухани күші мен мәдени мұрасын бейнелейтін Ұлттық домбыра күнін атап өтеміз.

Домбыра – бұл жай ғана музыкалық аспап емес, Ұлы даланың жанын, оның тарихы мен даналығын білдіретін, ұрпақты байланыстыратын көпір іспеттес.

Дәстүр бойынша Қазақстан халқы Ассамблеясының мүшелері бұл мерекені белсенді қолдап, насихаттауда.

Еліміздің әртүрлі өңірлерінде мерейлі мереке аясында ҚХА ұйымдастыруымен концерттік бағдарламалар, конкурстар, шығармашылық акциялар, флешмобтар мен викториналар өтуде.

Әсіресе жастардың белсенді қатысуы ерекше қуантады. Бұл ұлттық құндылықтарға деген құрметтің жыл сайын артып келе жатқанынын белгісі.

Мереке құтты болсын!

Ұлы даланың әсем әуені қазақстандықтарды шаттыққа бөлей берсін!

Кейін қарай