Құрметті әйелдер қауымы!

Сіздерді Қазақстан халқы Ассамблеясы көктемнің шуақты мерекесі – Халықаралық әйелдер күнімен құттықтайды!

Біздің елімізде әйелдерге бүкілхалықтық құрмет пен аналарды ардақтаудың сан ғасырлық дәстүрі қалыптасқан. Тарихымызда әйелдер қауымының әлеуметтік мәртебесін жоғары бағалап, отбасы, қоғамдағы келісім мен татулықтың үлгісі ретінде құрмет көрсеткен.

Тәуелсіздіктің 30 жылы ішінде Қазақстан әйелдері үшін жаңа мүмкіндіктер ашылды. Қоғамдық өмірдің барлық салаларында – саясатта, экономикада, ғылымда, мәдениет пен білім беруде Сіздердің қосып жатқан үлестеріңіз арта түсті. Саяси өмірге қатысу үшін гендерлік ынталандыру заңды түрде бекітілді.

Бүгінгі таңда әйелдердің шығармашылық әлеуетін ашуға, еңбек етуге, отбасына қамқорлық көрсете отырып өзін-өзі дамытуды ойдағыдай үйлестіруге мүмкіндік беретін жаңа жағдайлар жасалуда.

Әйелдер біздің басты әл-ауқатымыздың негізі, ішкі қуат пен қайсар күш беретін шабыт көзі.

Әйелі бақытты елдің, халқы бақытты.

8 наурыз – сұлулық пен әсемдік мерекесі

Осы шұғылалы мерекені көтеріңкі көңіл-күймен, жақсы көретін жандарыңыз бен бақытты балаларыңыздың, адал достарыңыз бен құрбыларыңыздың ортасында қарсы алуға шын жүректен тілектеспіз.

Отбасыларыңызда әрқашан келісім мен сенім салтанат құрсын! Сіздерге жақсы көңіл-күй, шынайы сезім, мықты денсаулық, сәттілік және барлық жақсылықтарды тілейміз!

Мереке құтты болсын, қымбатты әйелдер!

Кейін қарай