Петропавл қаласында ҚР Ұлттық гвардиясының Әскери институты Қазақстан халқының бірлігі күніне арналған  «Халықтарды біріктірген ел» атты фестивалі өтті. Бұл Әскери институттың дәстүрге айналған іс-шарасы.

Фестивальді әскери оркестр және 3-курс курсанттары мен қалалық оқу орындарының студент қыздары бірлесе орындаған «Қара жорға» биімен ашты. «Қазылар алқасы және көрермендер назарына республикамыздың аумағында тұрып жатқан 9 түрлі ұлт ұсынылды: әзірбайжандар, армяндар, қырғыздар, монғолдар, орыстар, татарлар, тәжіктер, өзбектер, украиндар. Осы этностардың тілдерінде Отан туралы, ана туралы, махаббат туралы өлеңдер мен музыкалық туындылар орындалды», - деп айтып берді Әскери институттың баспасөз хатшысы Руслан Қайыркенов.

Курсант Рустам Дүйсеновтың сөзіне қарағанда әр оқу ротасы өз көріністеріне сонылық қоса білген. «Айта кетсем, «тәжік» ұлтын сомдаған 1-ротаның курсанттары тәжіктердің той биін сыйлады, 4-оқу ротасынан «өзбектер» өз өнерлерін көрсету барысында қазылар алқасы мүшелеріне және құрметті қонақтарға нағыз өзбек палауын тарту етті. Ал мен жеке орындаушы Лидия Хамрачевамен бірге ән шырқадым», - деді ол мақтанышпен.

«Солтүстік Қазақстан облысы әкімінің аппараты» ММ

«Қоғамдық келісім» КММ баспасөз қызметі

Кейін қарай