2017 жылғы 28 қазанда «Көмектес» зағип жандар қоры Алматы қаласы әкімі аппаратының «Қоғамдық келісім» КММ көмегімен Алматы қаласы мен Алматы облысында тұратын әр ұлттың зағиптары арасында «Менің елім» қазақ әндері конкурсының іріктеу сайысын өткізді. Конкурстың іріктеу сайысына бірінші және екінші топ мүгедектері, 5 ұлттың 12 адамы қатысты.

Іріктеу сайысы «Менің елім» қазақ тіліндегі әндердің бесінші конкурсының аясында өтті. Конкурстың өзі 2017 жылғы 25 қарашада Қазақстан халқы Ассамблеясының қолдауымен және Қазақстан Республикасының Президенті Нұрсұлтан Әбішұлы Назарбаевтың «Болашаққа бағдар: рухани жаңғыру» мақаласында атап өтілген ұлттық құндылықтарды сақтау мен дамыту тапсырмасына сәйкес өтеді. «Көмектес» зағип жандар қоры мен зағиптар мен көзі нашар көретін азаматтарға арналған Республикалық кітапхана конкурсты ұйымдастырушылар болып табылады.

Конкурс Алматы қаласының мәдени өміріндегі Қазақстан Республикасы тәуелсіздігінің 26 жылдығына арналған іс-шаралардың бірі болады.

Дата события ассамблеи: 31.10.2017

Кейін қарай