2025 жылғы 29 тамызда Қазақстан халқы Ассамблеясы Төрағасының орынбасары Марат Әзілханов Қазақстан Республикасының Конституциясына 30 жыл толуына арналған «Конституция және мемлекеттілік: құқық пен болашақ диалогы» атты халықаралық ғылыми-тәжірибелік конференцияға қатысты.

Конференция барысында отандық және шетелдік сарапшылар Конституцияның бірлік пен келісім құндылықтарын нығайтудағы рөлі, құқық үстемдігін қамтамасыз ету, демократиялық институттарды дамыту және Мемлекет басшысының бастамаларын іске асырудағы негізгі бағыттарды талқылады.

Аталған конференция конституционализм мен мемлекеттік саясат саласындағы пікір алмасу және жаңа тәсілдерді айқындау үшін маңызды алаңға айналды.

Ерекше назар барлық азаматтардың этникалық немесе діни ерекшеліктеріне қарамастан теңдігіне кепілдік беретін Конституция нормасына аударылды. Бұл қағидаттар Қазақстан халқы Ассамблеясының қызметінің негізін құрап, қоғамдағы достықты, өзара сенімді және қоғамдық келісімді нығайтуға ықпал етеді.

Кейін қарай