2025 жылғы 10 қарашада Астанада Л.Н. Гумилев атындағы Еуразия ұлттық университеті базасында «Этномедиация: бірлік институты» атты модульдік модульдік тәжірибелік оқыту бағдарламасының биылғы жылғы төртінші курсы өз жұмысын бастады.

Бағдарлама Қазақстан халқы Ассамблеясының этномедиация кеңестерінің төрағалары мен өңірлік Достық үйлерінің жанындағы этномедиация орталықтарының үйлестірушілеріне арналды. Бастаманың мақсаты - этномедиация институтын дамыту, Ассамблея этномедиаторларының кәсіби өсуіне жағдай жасау және Қазақстан халқының бірлігін нығайту.

Іс-шара ұйымдастырушылары - Л.Н. Гумилев атындағы Еуразия ұлттық университетінің ҚХА кафедрасы мен Қазақстан Республикасының Мәдениет және ақпарат министрлігіне қарасты «Қоғамдық келісім» РММ, сондай-ақ ҚХА кафедралары қауымдастығы «Шаңырақ» республикалық қоғамдық бірлестігі.

Ашылу рәсіміне Қазақстан халқы Ассамблеясы Төрағасының орынбасары Марат Әзілханов, Қазақстан Республикасы Мәдениет және ақпарат министрлігіне қарасты Этносаралық қатынастарды дамыту комитеті төрағасының орынбасары Анар Бекбаева, Л.Н. Гумилев атындағы ЕҰУ проректоры Ләззат Нұрқатова, ҚХА Журналистер клубының төрағасы, Сенат депутаты Алишер Сатвалдиев, ҚХА кафедралары қауымдастығының «Шаңырақ» төрағасы, ҚХА кафедрасының меңгерушісі Наталья Калашникова қатысты.

Академия бағдарламасының қатысушылары Қазақстан халқы Ассамблеясы кафедрасының қызметімен танысты. Бағдарлама аясында келесі тақырыптар бойынша дәрістер оқылды:

• «Қазақстан халқы Ассамблеясының этномедиацияны институционалдық дамыту контексіндегі негізгі қызмет бағыттары»;
• «Ғылымдағы этномедиация: қоғамдық-институционалдық дамудың жаңа тәжірибесі»;
• «Профайлинг: келіссөз жүргізу процесіндегі визуалды психодиагностика технологиялары»;
• «Әлеуметтік желілердегі арандатушылық пен манипуляциялар және оларға практикалық түрде қарсы әрекет ету әдістері»;
• «Этносаралық қатынастардағы қақтығыстардың алдын алу және оған қарсыжасанды интеллект құралдары мен технологиялары»;
• «Этносаяси қақтығыстардың ерекшеліктері және халықпен конструктивті диалог жүргізу тәсілдері»;
• «Этномедиациядағы тұлғалық және этникалық бірегейліктің рөлі мен маңызы».

Сонымен қатар, қатысушылар үшін этномедиация саласындағы жетекші ғалымдар, Қазақстан халқы Ассамблеясының мүшелері, депутаттар мен сарапшылар өткізген шеберлік сабақтары мен практикалық тренингтер ұйымдастырылды.

Кейін қарай